მდებარეობა
"ბუნებურის" მარანი მდებარეობს კახეთის რეგიონში, გარე კახეთის (ივრის) ზეგანზე, საგარეჯოს მუნიციპალიტეტის სოფელ ბადიაურში, ზღვის დონიდან 540 მეტრ სიმაღლეზე, თბილისიდან 65 კმ. ხოლო საგარეჯოდან 25 კმ. დაშორებით.
ვენახი
მარანი ამუშავებს ორ ჰექტარ რქაწითელის და ერთ ჰექტარ საფერავის ჯიშის ყურძნის ვენახებს. მევენახეობაში არ გამოიყენება ჰერბიციდები და მინერალური სასუქები. საღვინედ შეირჩევა მხოლოდ მაღალი ხარისხის, ერთი ვენახის ყურძენი. ჰექტარზე საშუალო მოსავლიანობა შეადგენს 5-6 ტონას.
მარანი
მარანში ღვინის დაყენების და დავარგების ტექნოლოგიური პროცესი მიმდინარეობს უჟანგავი ფოლადის რეზერვუარებში, ბუნებრივად, ზედმეტი ტექნოლოგიური ჩარევის და დანამატების გამოყენების გარეშე. ღვინო ბოთლებში ისხმება გაუფილტრავად.
საფერავი 2016
წითელი, მშრალი, გაუფილტრავი
რქაწითელი 2017
თეთრი, მშრალი, გაუფილტრავი
საფერავი 2017
წითელი, მშრალი, გაუფილტრავი
„ჭეშმარიტი საგანი ღვინის კეთებისა, ამისი თავი და ბოლო, ბუნებურის ღვინის შექმნაა...“
ილია ჭავჭავაძე
საფერავი
საფერავი ქართული წითელყურძნიანი საღვინე ვაზის ჯიშია. ძირითადად გვხვდება კახეთში. კახეთის გარდა ფართოდაა გავრცელებული საქართველოს სხვა რეგიონებშიც, ასევე საქართველოს ფარგლებს გარეთ. საფერავიდან მზადდება უმაღლესი ხარისხის წითელი მშრალი ღვინოები (როგორც სუფრის, ასევე ადგილწარმოშობის) დაძველების დიდი პოტენციალით. საფერავი ასევე გამოიყენება ნახევრადტკბილი და ვარდისფერი ღვინოების დასამზადებლად.
რქაწითელი
ქართული თეთრყურძნიანი ვაზის ჯიშია და ეკუთვნის კახეთის ვაზის ჯიშთა ჯგუფს. კახეთის გარდა იგი ფართოდაა გავრცელებული საქართველოს სხვა რეგიონებშიც, ასევე საქართველოს ფარგლებს გარეთ. ყურძენი გამოირჩევა თავისი ლამაზი გარეგნული შეხედულებით – მოზრდილი საშუალო სიმკვრივის მტევნებით და სასიამოვნო გემოთი. რქაწითელის ჯიშიდან საქართველოში დგება უმაღლესი ხარისხის კლასიკური (ევროპული) და კახური ტიპის (ქვევრის) ღვინოები.
ღვინო ვენახიდან იწყება
ჩვენ ვიყენებთ მხოლოდ ბუნებრივ საშუალებებს
კომპანიის შესახებ
მარანი „ბუნებური“ დაარსებულია 2016 წელს. მდებარეობს გარე კახეთის ზეგანზე, საგარეჯოს მუნიციპალიტეტის სოფელ ბადიაურში (ზღვის დონიდან 540 მ.).
მარანი აწარმოებს რქაწითელის და საფერავის ღვინოებს. მევენახეობაში არ გამოიყენება ჰერბიციდები და მინერალური სასუქები. საღვინედ შეირჩევა მხოლოდ მაღალი ხარისხის, ერთი ვენახის ყურძენი.
ღვინის დაყენების და დავარგების ტექნოლოგიური პროცესი მიმდინარეობს უჟანგავი ფოლადის რეზერვუარებში, ბუნებრივად, ზედმეტი ტექნოლოგიური ჩარევის და დანამატების გამოყენების გარეშე.
საკონტაქტო ინფორმაცია
Copyright
© 2018 Buneburi LLC